نفس لافورم ولكن ليكرون كبيرة.. “آپل” كتوجد تلونصي iPhone 14 – تغريدة وتصويرة
مدة القراءة: دقيقة واحدة

كشفات لاجونس “Bloomberg” الميريكانية أن شركة “آپل” (Apple) غادي تنظم فأول الشهر الجاي حفلة خاصة باش تلونصي الآيفون 14 (iPhone 14)، اللي غتكون الفيرسيون الجديدة ديال تلفوناتها السمارت.

“آيفون 14″ الجديد غيكون كيشبه ل”الآيفون” الحالي فالشكل، ولكن الحجم ديالو أكبر من “الفيرسيون 13″، اللي الحجم ديال ليكرون عندو هو 5.4 پوس، وهذا الجديد واصل ل6.7 پوس. وهادي هي المرة اللولة اللي غيكون فيها شاشة ال”أيفون” بهاد الحجم من غير ال”أيفون پرو”.

ANOTHER Apple analyst said a $100 price increase on the iPhone 14 Pros is likely. ????????

This would bring the starting prices to $1,099 for iPhone 14 Pro and $1,199 for iPhone 14 Pro Max… pic.twitter.com/9h8bi3tmcg

ومن بين الحاجات اللي غادي تكون مبدلة ف”الأيفون” الجديد هي الكاميرا اللي كتبان كبيرة، وغادي تكون الدقة ديالها عالية وواصلة ل48 ميكَابكسل.

أيضاً، غادي دخل “آپل” تغييرات على تسجيل الفيديو والعمر ديال الباتري، اللي غيكون أطول من اللي التيليفونات اللي فاتو، وغتتوفر ميزاجور حتى فقياس درجة الحرارة والحالة الصحية ديال الكليان مول السمارتفون.

اقرأ المزيد: